財爺同議員講,指政府驚拉布拉出禍,希望喺五月中前通過《撥款條例草案》,不過議員懶得理佢,仍然堅持己見。

財爺︰五月中前過唔到,公共服務就會大受影響。

議員︰又嚟「狼來了」,邊個仲會上當?

財爺︰如果唔係你哋要拉布,我使擔驚受怕,最衰都係你哋。

議員︰你唔諗吓,如果唔係你做得差,我哋又使鬼拉布!(議員怒火中燒,拎出雞蛋。)

財爺︰想掟我?我一早叫定保安警察啦。我話你哋聽,之後冇人掃街、冇人維持治安,你哋要一力承擔。

議員︰你講得啱,遲啲先「對付你」!

財爺︰遲啲?

議員︰草案過唔到,到時冇保安警察,我睇你點避!

第一手消息請下載on.cc東網iPhone/iPad/Android/Windows Phone Apps