富二代大都肩負家族生意嘅承傳，四洲太子女戴凱欣最近榮升老闆娘，喺家族生意之外踏足甜品行業，舖頭雖然開張不久，但生意已不俗。
戴凱欣喺家族生意之外，仲搞咗間甜品店，忙得好開心。
戴凱欣話，由於兩頭兼顧，佢都感覺工作多咗，但依家仍然主力打理家族生意，有時間先抽空去舖頭坐鎮。工作咁忙碌，只好偷閒減壓，早前見佢出席一個音樂會，戴凱欣話，佢細個都有學鋼琴，並有五級鋼琴造詣，依家得閒都會喺屋企彈琴。
