SUN搞作:sun官場現形記:得個樣
港鐵訊號故障,原來同「超級控制中心」嘅電腦「腦殘」有關,李衞得知就問高層點解會咁。
李衞︰換芒唔換硬件,仲唔係金玉其外?
高層︰我哋響應環保,未壞咪用住先囉。
李衞︰咁人命呢?出咗事你哋良心又過意得去咩?
高層︰所以新芒就發揮佢嘅作用,九十九個大芒,有我哋睇實,冇事嘅。
李衞︰冇事?!成日故障都話冇事?
高層︰其實我哋慳錢都係為咗未雨綢繆。
李衞︰咁嘅大話你都講得出口?
高層︰故障要用接駁巴接載乘客,成日故障,唔慳啲錢請兼職司機點得!
李衞︰@##$$%%^^^