政壇：張錦輝退休前玩夾Band
官員陸續進入退休高峰期，負責處理俗稱網絡廿三條嘅《版權條例》、經常被網民改圖惡搞成「小丑」嘅知識產權署署長張錦輝（Peter），將近六十歲，五月中便會開始退休前休假，近日佢出席活動時都顯得好輕鬆。
張錦輝（右）退休在即，成個人好似鬆晒咁。左為莫乃光。（互聯網圖片）
Peter平時到立法會開會好嚴肅，上周五見佢同一班志同道合好友，出席有關「世界知識產權日」嘅音樂會，大家仲夾Band獻技添，同台仲有行政會議成員廖長城，呢個組合真係估佢唔到，當日佢哋表現好興奮，事後Peter仲同平時喺議事廳針鋒相對嘅資訊科技界立法會議員莫乃光搭晒膊頭合照，真係退休在即，一身鬆晒喎。
