東網優惠不斷 全球華人首選

東方報業集團旗艦網站「on.cc東網」推陳出新，精益求精，今年三月一日起全球免費開放《東方日報電子報》一個月，由於讀者反應熱烈，欲罷不能，震撼優惠延至四月份，結果瀏覽量繼續飆升，東網決定加碼回饋讀者，將《東方日報電子報》全球免費開放再延至五月三十一日，即係連續免費開放三個月，你話係咪好消息吖！

東網以資訊最快、最多、最全面而享譽全球，成為海內外網民至愛。自從東網創傳媒業先河，全球免費開放《東方日報電子報》之後，點擊率屢創新高，電子報嘅每日瀏覽量已經超過四百五十萬頁次，而且唔止《東方日報電子報》受歡迎，早前率先全球免費開放嘅《太陽報電子報》及《好報電子報》瀏覽量同樣節節上升。東方太陽，相得益彰，雙劍合璧，勢不可擋。

東網優惠陸續有來，全球免費開放電子報，讀者無論身處何方，都可以第一時間了解香港事情，更難得嘅係好似攞住份報紙咁，享受傳統閱報樂趣，又方便又快捷，唔怪得上東網睇電子報已經成為好多海內外讀者嘅每日生活習慣。有「甜姐兒」之稱嘅台灣女藝人郭靜話齋，想了解各式各樣新聞，或者有趣事情，就要快啲下載「東網台灣」App，一起關心時事喇。海外讀者同樣讚不絕口，澳洲高嘉華市副市長鄧小穎對《東方日報電子報》嘅新聞同資訊情有獨鍾，經常向朋友推薦。而英國華僑霞姐仲風趣，話追東方娛樂新聞，就好似追韓劇咁，會上癮o架。一句講晒，東網喺華人讀者心目中嘅地位，已經無可取代。

太一叮喺度再提提大家，《東方日報電子報》及《太陽報電子報》每日香港時間凌晨三時半全球免費開放，讀者只要登入東網網站或打開東網嘅手機App，就可以原汁原味閱覽整份報紙嘅內容。電腦方面，讀者只要登入東網（網址on.cc），喺左邊Menu Bar點選想閱覽嘅電子刊物就得嘅喇；至於手機方面，無論係三星等Android用戶，或者iPhone等iOS用戶，只要裝咗「東網電子刊物」App，就可以閱覽電子報。仲有吖，如果手機用戶同時安裝咗「東網港澳」、「東網台灣」同「東網大陸」App，唔止可以享受東網提供嘅廿四小時即時新聞，以及逾百位名家嘅評論文章，而且可以直接閱覽電子報，省卻轉換App嘅麻煩。

有麝自然香，東網人人讚。太一叮保證，東網回饋讀者陸續有來，請密切留意喇！