SUN焦點：上司帶隊「識客」OL日索夜索
日間take嘢當咖啡，OL過來人Rebecca自白，她十六歲起染上毒癮，中五畢業後，先後任職文員、接待員及基金經紀，以為覓得正職，生活重回正軌，怎料上司更帶隊到毒私竇交際「識客」，結果吸得更瘋狂，癮起時更會「叫外買」躲公司暗角「索一索」，甚至中午租酒店「開餐」。她說，沉溺歲月難自覺，「到被差人拉嗰一刻先醒過嚟。」
不參與被同事排擠
「你係嗰個圈子，你就走唔甩。」Rebecca形容，昔日身邊十個朋友八個take嘢，經朋友介紹而任職的公司，不take嘢是被排擠的理由，「公司唔會有人同佢玩。」基金經紀上司更帶她到私竇，「識吓啲有錢人，佢哋請你吸。」在OL圈子中，部分人專挑工作日take嘢，不過更多是終日吸食，「工作壓力大，索兩嘢減壓。」工作年多，Rebecca已試過跑遍多個場都「未夠喉」，最終自費數千元take嘢。
「被差人拉，救咗我」她最終被警察於身上搜出毒品，及後參加自願戒毒。脫癮後，她結識新朋友，更修畢專業文憑，「要放棄晒以前啲朋友先唔會再吸番。」她形容昔日生活「九唔搭八」，更換來尿頻、記憶差的後患症，部分朋友最終為此出賣身體，「啲有錢人出一萬幾千好閒，但對個女仔嚟講夠食幾日。」她盼警方加強打擊，政府增加社工支援。
