SUN焦點：30間Take嘢私竇攻陷商廈
商廈私竇近年成為不法分子與警方角力新戰場！警方早前一口氣搗破四間分設於兩座商廈的私竇。事件揭露藏身商廈、保安嚴密的迷你私竇瞬間冒起。有一度活躍私竇的OL踢爆，全港有霹靂可卡因及K仔供應的私竇多達三十間，主力招待高消費力專業人士，為了在眾多私竇突圍，有人更以免費霹靂可卡因或K仔餐吸納高質素OL，務求令OL長駐場內，增加吸引力。另一廂，警方亦因應私竇獨特營運模式改變掃場策略，並已鎖定私竇名單，隨時採取掃蕩行動逐一擊破。
年輕的OL在夜場甚受歡迎。（資料圖片）
私竇場環境簡陋，一包包懷疑霹靂可卡因或Ｋ仔隨意擺放。
本報獲其中一間被搗破私竇內部照，私竇保安嚴密，設雙重門栓。
Rebecca形容，昔日身邊的OL同事大多吸毒減壓。
早前警方瓦解的一間毒吧，拘捕涉案人士。（資料圖片）
陳天柱（左）表示，搗破行動事前經過長時間搜證。（資料圖片）
這類俗稱鬼場的私竇集中於中環、灣仔及尖沙咀，私竇共通點是位置隱蔽、無招牌及私隱度高，亦因此吸引不少專業人士光顧。「嚟得私竇玩，好多都係律師、會計師，一枱四、五人，主持人再帶十幾個OL嚟，通常佢哋買幾萬蚊霹靂可卡因或者K仔，放晒喺枱，大家一齊take。」一度沉淪私竇「take嘢」，Rebecca（化名）不諱言，全港有多達三十個私竇有霹靂可卡因或K仔供應，而且集中寫字樓區。
每個竇設「持匙人」
「呢啲地方最多寫字樓，一收工就去得，好似我以前喺中環返工，行十分鐘就有一個私竇，玩完就過場繼續玩，食到天光。」Rebecca說，雖然私竇內，OL只是陪食角色，但對不法分子來說，才是私竇吸引力所在，故此他們會諗盡辦法留住高質素OL。「好多男人都想有女仔一齊玩，有時會叫啲客請我哋食。」
每個私竇更設指定「持匙人」，於其他私竇揀靚OL，不過一般要認識半年以上才開口邀請，但即使是熟人亦要「持匙人」帶領才可入內。
差人巡查便扮放工
這類私竇場內保安嚴密，場內更會為客人做足安全措施，大部分隱藏寫字樓為主的商廈，外貌跟一般寫字樓無異。不過為避免警方掃場，亦有私竇做足準備。據Rebecca指，其中一間私竇特別在上層另設後備寫字樓。「差人巡查時就向上走入『寫字樓』再扮放工，因為唔同層數，撞到差人都唔易引起注意。」
從本報獲得早前於被搗破的四個私竇的照片發現，大門部分採用雙重門栓，但場內設備簡單，只有約十張枱，而且場內環境簡陋混亂，一包包懷疑霹靂可卡因或K仔的粉末隨意擺放。
負責是次行動的警方有組織罪案及三合會調查科總督察陳天柱亦不諱言，執法時要與不法分子鬥智鬥力，不法分子雖在場內「將霹靂可卡因或K仔賣酒咁賣」，更以「買霹靂可卡因或K仔送啤酒」招徠，對外卻非常嚴謹，每次均需先致電「持匙人」才准入內。因而事前派出多名臥底於目標人物附近出沒，長時間收集情報，掌握場內布局。
警方發言人指出，年輕女性等「take嘢」地點日趨隱蔽，會搜集情報以配合執法。過去三年，警方於樓上娛樂場所破獲的嚴重毒品案件增加一倍，由一一年的十二宗增至一三年的二十四宗，三年以來共拘捕一百一十六名毒販。目前警方更鎖定多個位於旺區的場所，隨時再展開拘捕行動。
