近日中央強調面對新形勢、新挑戰，維護社會安定，各地區部門要貫徹完善和落實維護群眾合法權益體制，使暴力恐怖分子成為「過街老鼠，人人喊打！」喎！好呀！

「一國兩制」立法原意下，「一國」大於「兩制」，即國家大事，香港此小特區，地位卑下，無份出聲。但係，對香港實在有「指導性作用」，要貫徹完善及落實群眾合法權益，叫那些垃圾廢柴庸官變成「過街老鼠，人人喊打」是必要的！

首個垃圾中垃圾的卡片蘇，令香港蒙羞多次又多次矣！而廢柴周一鑊更是低能白癡的化身，唔明點解佢兩個仲有「官」做？囤地波亦一劑又一劑的出事，仲係涉嫌有利益衝突的醜聞嘅添！可恨，佢仍穩如泰山，怎教香港有運行？還未計那幾件衰無過犯的乜乜政策研究組的頭領，唔係蛇頭鼠眼，就係陰毒賤精樣，或是太監閹人相。加上，立法會議事廳內的「禮義廉」醜態，比大陸土豪更盲毛低劣，成棚「政治老鼠」，唔使「過街」，全港人人都早已喊打啦！但衰在有人包容（吖！應係「包庇」）。嗱嗱嗱，那群「北鼠」，狐假虎威，當阿爺無到，謊報軍情，搞到香港愈亂，佢哋上下其手更方便，賣吓字畫唱吓K，做離岸山寨王，唔知幾爽。幫啲家人、小三、情夫撈個身份證再搭路做美加英澳人，將來喺瑞士銀行提錢慢慢搣，吸取自由新鮮空氣，唔再食地溝油，話之你鬧「乜乜過街老鼠」啦！反正，大陸領導六十五年來都愛喊口號o架啦！多句唔多，幾時有真正貫徹落實做得成o架？說說笑吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps