內地童在港街頭便溺事件愈鬧愈大，食衞局官員話，如果執法人員在場目擊整個過程，定會依法處理，李衞就此有啲問題想問吓呢位官員……

李衞：執法人員見到有人街頭便溺，就會執法呀？

官員：無錯無錯，定必依法懲治。

李衞：咁佢見唔到咪做唔到嘢？

官員：係呀，無證無據，佢哋好難做嘅。

李衞：即係可以隨意放生便溺人士啦？

官員：說話唔係咁講，執法要講證據……

李衞：見到就執法，眼不見就為乾淨！

官員：其實有好多的士小巴夜更司機都偷偷哋喺街度便溺，我哋都見唔到，點執法呀！

李衞：一句講晒，講就天下無敵，做就有心無力！

官員：︿＃％＆＊＠％＃！！香港人，包容啲啦吓！

第一手消息請下載on.cc東網iPhone/iPad/Android/Windows Phone Apps