SUN搞作:網絡小說:一場爛騷
夜幕低垂,長髮賊尾隨中年男子,「打劫,攞晒啲錢出嚟!」中年男子不慌不忙,「行開啦!」長髮賊始料未及,「話晒我要劫富濟貧,點可以畀人嚇窒?」猶豫未決之際,中年男子先下手為強,出手推開賊人。
「推我?!如果唔係你,我使做醜人?」長髮賊咬牙切齒,「看招,漫天飛蛋!」中年男子一個轉身,自以為可靈巧閃過,詎料……「哎呀!」中年男子前額正中一蛋,但為免失霸氣,仍死撐到底,「人做賊,你做賊,用雞蛋做武器有咩用?你睇我咩事都無,正一豬頭炳!」
長髮賊回敬︰「我豬頭?好過你似烏龜,淨係識縮頭!你見唔見周街窮人呀!你有出手幫咩?」中年男子睜大眼睛道︰「我一向心繫市民、體恤貧困、關懷老幼、樂助就業,為咗正義,我今日就要剪你!」
「Cut!good show!財爺你咁好戲,唔做演員真係嘥晒!」全場掌聲不絕……