一大清早,少膽虫就被淫賤黎召入房,「壹全霉上下由今日起唔准再講廣東話!」淫賤黎摸摸鼻頭續講,「講廣東話會易生鼻咽癌!《爛果》銷量唔掂,我已經激心激肺,我仲點頂得住呢啲風險。」

少膽虫大吃一驚,「唔講廣東話,大家點溝通呢?唔通要講『煲冬瓜』?」淫賤黎猛篤少膽虫個頭,「『煲冬瓜』嘅『波』、『棵』、『摩』、『科』,我淨係識波,句句都波,《爛果》成何體統?」

「咁咪仲符合報格。」少膽虫心諗。「我哋不嬲都係親西方,唔講廣東話,咪做西人講西話囉。」淫賤黎一副犀……利樣。講西話?談何容易呢?「腦細,雖然話我哋一向都西化,做西人都唔難,但講西話多少有啲難度。」少膽虫面有難色。

淫賤黎拍拍心口,「其實唔難,我即刻講句你聽,『I want to eat fxxking fried rice』。」少膽虫再嚇得目瞪口呆,「腦細,你無端端講咩粗口?」淫賤黎一下巴掌又送到少膽虫面上,「你就粗口!我話想食福建炒飯呀!」

咁搞法,壹全霉雖避得過鼻咽癌,但語癌就……

第一手消息請下載on.cc東網iPhone/iPad/Android/Windows Phone Apps