SUN搞作:SUN官場現形記:等到一場空
南丫海難,死難者家屬痛徹心扉,苦等十個月,只求公道真相,可惜運房局局長炳炳嘅答案,令人失望至極。
家屬︰十個月嘅等待,竟然得張白卷?
炳炳︰邊有白卷?「海難報告」四隻大字咪公開咗囉。
家屬︰我要知嘅係成份報告,唔係四隻字!
炳炳︰咁……
家屬︰你即係唔肯公開啦。
炳炳︰嗱,我冇咁講過啊。
家屬︰咁講法,即係我哋可以睇啦。
炳炳︰我亦冇咁講過。
家屬︰十問九唔答,你係咪喺度玩嘢?
炳炳︰你都識講「十問九唔答」,答咗你公開「海難報告」四隻大字,仲點可以答多你一條問題呢?