香港和新加坡一向是競爭對手,香港青年聯會(青聯)副主席黃夢瑩(Monin)早前組團去新加坡交流,重點探討獅城的公共政策及家族企業傳承兩大課題,日前一班年輕人聚埋分享此行心得,大家都話,香港再唔着緊啲就追唔上喇!

黃夢瑩(前右)及偉業金融集團執董何智明(前左),與一班青年創業得獎者交流。

青聯交流團考察新加坡期間,曾參觀一間新派麵包店。

當晚出席分享會嘅有青聯常董賴偉星(Wilson)、會董李卓卓、會員葉家鳳及知名設計師丘雪祺等人。Wilson話,今次去新加坡國立大學商學院及李光耀公共政策學院學習交流,進一步了解當地的人口及房屋政策,有好大得着,亦見到新加坡有好多可取之處。佢哋仲參觀咗間喺香港開設好多分店的新派麵包店,了解咗個注入創新及活力嘅創業故事。

深圳及其他省市青聯成員都有專程來港參加分享會,現場仲有一班後生的本地創業家,佢哋係參加伴你啟航計劃的得獎者,憑着具創意嘅生意頭腦獲撥資金創業,項目包括自動點餐系統、餐廳排隊應用程式及網上集資平台等。

第一手消息請下載on.cc東網iPhone/iPad/Android/Windows Phone Apps