SUN搞作：SUN官場現形記：識請肯定請病假
大熱天時，救生員集體請病假，維園泳池要封池，泳客自然一肚氣，要搵康文署署長評理，點知未見署長，就畀一小官員攔住。
泳客︰最衰都係你哋，唔肯請多啲救生員，搞到依家集體「射波」，水都無得游。
官員︰話唔可以咁講，病呢啲嘢邊有得計。
泳客︰好喇，唔講呢啲，我依家冇得游水，咁又點計。
官員︰我只係個小官，我都冇辦法。
泳客︰你揸唔到主意就行開，我去搵署長。
官員︰咁……
泳客︰好狗唔攔路，唔好阻住晒。
官員︰署長見發生咁大件事，都請咗半日病假，避避風頭……
泳客︰@#$%%^^&&
