城中鏡：何國鉦慶生向「大隻佬」開刀

著名時裝設計師Dorian何國鉦聽日（22日）生日，其實由四月起，佢已不停開生日P，前晚開第七個生日P。

一眾好友開派對為何國鉦（右二）慶生。

何國鉦喺蛋糕嘅「私隱部位」開刀。

喺派對中段，黃美儀捧咗一個穿內褲大隻佬造型嘅3D蛋糕送畀Dorian，恭喜佢近日操肌成功變大隻設計師，佢笑住話：「之前減得過咗火，瘦咗十五磅，依家肥番少少，個樣精神番，其實我減肥唔係為大隻，唔係想變張家輝，係為健康着想。」

好友見到個大隻佬蛋糕，都好興奮，Dorian仲徇眾要求喺蛋糕嘅「私隱部位」開刀，掀整晚高潮。