大搜查：WiFi變漫遊 Phone狂燒錢
【投訴組報道】港人習慣手機不離手，隨着智能手機款式愈出愈多，倘不熟悉相關操作，「玩手機」隨時變「畀科技玩」。有市民於外遊期間未有開啟手機漫遊數據、僅使用WiFi上網，卻被收取數千元漫遊數據費用；亦有使用一卡兩號者因手機自動接收其他網絡而產生漫遊費用。專家指有關個案皆與智能手機作業系統有關，建議用家時刻保持警覺，免招損失。
市民出外旅遊時如不慎多用漫遊數據，有機會被追收巨額費用。（設計圖片）
馮先生遊日第三天突獲電訊商通知被錄得正使用漫遊數據。
到日本旅遊的馮先生不滿被收取逾三千元漫遊數據費。
朱先生早前在珠海使用一卡兩號上網服務，卻遭收取澳門漫遊數據費。
有關澳門漫遊服務涉款逾九百元，朱先生坦言感到非常「無辜」。
買儲值卡最穩陣
陳小姐：屋企人試過本來手機月費係百幾蚊，但電訊商就話佢用咗海外數據，變咗五百蚊，所以我以後都會去到當地買儲值卡用！
黃小姐：我自己就冇試過畀通訊商收漫遊費，去旅行都會開咗飛行模式先至再開WiFi，咁就唔會連接去流動數據。
「廣告都有教，喺外地要閂漫遊數據，我有跟住做，但點解仲話我有用到要收漫遊費？」馮先生早前到日本旅遊，出發前已關上漫遊數據，僅使用酒店提供的WiFi免費無線上網。但到旅程第三天，馮先生突接獲電訊商短訊，指馮使用的漫遊數據需收費近五百元；至十五分鐘後電訊商再發短訊，直指馮的漫遊數據用量不斷上升，需強制停止服務。
珠海工作被當澳門上網
馮先生回港後即接獲三千五百多元的漫遊數據費帳單，坦言滿腹疑團，「我由到埗嗰日已經喺酒店用WiFi上網，如果我真係有用漫遊數據，都冇理由去到第三日先有記錄，仲要十五分鐘之內由幾百蚊變幾千蚊？何況我好肯定冇開漫遊數據，究竟條數點嚟？」
另一邊廂，朱先生一直選用一卡兩號手機及內地上網服務，但日前如常到珠海工作返港後，卻被電訊商追收逾九百元的澳門漫遊數據費用，「我明明喺珠海，都冇去澳門，點解會當咗我喺澳門上網？」
雖然馮先生與朱先生皆對接獲大額帳單大感詫異，但有關電訊商均堅稱錄得客戶曾使用海外漫遊數據。就馮先生的情況，電訊商發言人雖未有解釋客戶在未有開啟漫遊數據下被收費的原因，卻指已核實相關記錄無誤。至於朱先生的個案，電訊公司發言人則解釋因珠海與澳門位置相連，估計客戶當時身處位置為澳門流動網絡覆蓋，但強調當時已發短訊提示客戶。
手機作業系統唔夠嚴謹
香港大學計算機科學系副教授鄒錦沛解釋，上述兩個個案均與智能手機的作業系統有關，「喺珠海收到澳門漫遊真係唔出奇，所以用家最好用手動模式揀實一個網絡商！」鄒亦稱，過往曾聽聞有智能手機用戶在未有開啟漫遊數據、僅使用WiFi上網仍被收漫遊數據費，但坦言並不常見，「有啲智能手機作業系統唔夠嚴謹，就算個用家閂咗流動數據設定，只要個WiFi接收得弱，都會跳番去流動網絡，所以用家喺外地上網嗰陣真係要時刻檢查住，唔好諗住閂咗流動數據就一定冇事！」
