政壇：馮英倫分享手機App種花

Allen透露有人打算做種植花卉生意，結合資訊科技開發手機App。佢解釋，呢個手機App嘅特別之處，在於每日可以遙控為植物同花卉灌溉，直到收成當日送畀指定對象，連埋該棵植物或花卉成長短片送出，令到整份禮物都比較有心思。

同場嘅仲有立法會勞工界議員郭偉強，佢話新來港人士未必如外間印象，未有太大意欲投身職場，反而主要有三項需要，其中排喺頭位就係搵工，其他依次為提升英語水平同在職培訓等。

就此，郭偉強認為有關方面可以改善求職資訊嘅發放方式，例如當局可考慮舉行巡迴展覽，或者有專門畀新來港人士嘅招聘會，免得佢哋求職時「摸門釘」。