四歲家姐：好掛住細佬

意外發生後，她心力交瘁，頓感無助，「為照顧曦曦，辭咗份工。平日有兩日一夜喺醫院睇住曦曦，再返屋企瞓一晚幫個女睇下功課，個女都問我，點解媽咪成日話去照顧細佬，但又唔見細佬返嚟，話好掛住佢。我好攰，寧願有事嘅係我。」

一直協助阿儀跟進事件的民協社區主任李炯指，對於瑪麗醫院拒絕承認責任感到憤慨，準備去信及約見醫管局，促局方盡快調查事件，並公開交代詳情，向家屬作出合理賠償。他指，阿儀一家現時居住在沒有電梯的深水埗唐樓，曦曦一旦失去活動能力，日常出入將十分不便，希望房署能安排一家盡快上樓。