不知說過多少遍，香港不再是「大陸化」，而係已經「十分大陸」，分分鐘仲係「大陸過大陸」添噃！奇怪的只是，大陸中央領導層仍然成日好狐疑地問：「都回歸咗十七年啦！香港人的心態，點解還未真正回歸祖國嘅呢？」

哼！擘大對官眼，睇吓香港目前的實況先吧！

今日，身處香港，只要夠「禮義廉」，便可得到內地駐港扮欽差的芝麻官站台高歌籌旗，咁都不特止，還可以大模廝樣的公開接受「雅賄」，派狗糧的和收狗糧的，同樣不知羞恥，只有光榮！

為了「和諧」，一眾朱門員外不得不笑着臉被人揼心口，這中國式的「官商勾結」，進行了幾千年，本來是財閥的個人決定，其他人無從置喙，但家陣，香港廢柴政府為了氹阿爺開心，竟動用「公帑」，狂fing過億港銀，巧立名目，搞個乜Q「盛事基金」，實則係「收買人心」、「利益輸送」的「維穩基金」，咁就有問題囉！

若不是有審計處的查核及公布，香港人仍蒙在鼓裏，任由香港人的血汗金錢流入那些卑劣的賤人手裏；更不知道，原來早於「盛事基金」設立後一年（即二○一○年），廉署「已關注」這基金（機構）是否有必要繼續運作，但商務及經濟發展局不但唔聽支笛，仲加碼兼放寬申請，咁咪有「香港音樂劇展演」攞香港錢，而在加拿大演出；又有陳鑑林撐腰，把盛事的二十八萬餘款「退還」給一個不敢開名收錢的「贊助人」嘅「香港龍獅節」囉！

當街上無緣無故大把蛇齋餅糉任攞時，香港本地人，你哋是否願意睇住香港變成咁吖？你哋是否接受你哋啲子孫會係啲咁嘅德行的品種吖？唔想？無辦法變嘅喎！因已回歸「祖國」矣！阿門！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps