李清霞競選團隊擺烏龍，將易拉架上嘅「候選人」寫成「後選人」，被網民寸爆。（互聯網圖片）
東區區議會南豐選區補選將於一個月後舉行，填補白鴿黨區議員梁淑楨嚴重中風而出現嘅議席空缺。選舉主任喺提名期結束前一共接獲兩份提名表格，包括建仔李清霞同白鴿黨張國昌，令呢場選戰變成兩大陣營嘅助理對決。兩位候選人近期已開始密密落區做宣傳，但尋日就有人喺社交網站上載一張有關李清霞嘅宣傳易拉架，發現最底一行字竟然將「候選人」寫錯成「後選人」，有網民就寸爆話，咁選民應該投票畀邊個「先」呢？
李清霞解釋，因為選舉期臨近，有唔少事務需要處理，負責製作易拉架嘅職員一時睇漏眼，所以先會鬧出呢個笑話。佢話競選團隊只係製作咗四個易拉架，事發後已即時收起，稍後亦會印過批新嘅易拉架，希望大家唔好介意喎！
第一手消息請下載on.cc東網
