郭少明瘦身三十五磅，大家覺唔覺呢？
莎莎國際主席郭少明生意愈做愈旺，人亦愈嚟愈Fit！早喺兩年前，佢曾經講過因為身形暴脹着西裝愈着愈大件，要開始減肥計劃，巡舖當減肥。尋日我哋再見到佢，發現佢又再瘦咗，佢話足足減咗三十五磅，要買過晒啲西裝，着細咗成四個碼。究竟佢有乜減肥心得呢？原來除咗食少啲，就係請咗個私人教練教佢做健身，每星期一次，每次個半小時。
郭少明係馬主，話「星期日有馬跑，就星期六做健身，星期六跑馬，就星期日做健身。」佢又話舖租愈嚟愈貴，旗下公司原本喺彌敦道有四間地舖，但有兩間被迫搬上二樓，至於銅鑼灣渣甸街嘅地舖，亦被國際名牌搶租咗，搞到佢哋要搬上二樓舖。不過，咁樣都未必係壞事，事關佢日後行多啲樓梯去巡舖，可能會仲fit呢！
第一手消息請下載on.cc東網
