台灣學生在「反服貿」一役中，有句口號為「自己國家自己救」，那實是「立場正確」的愛國觀念。自家的事自己唔理，誰理？自家苦難自己唔解決，只會愈來愈慘！

看看香港，今天，乜嘢事依靠那個不值得依靠的獨裁專政，不特止被老點得迷失方向和失去自主自立的能力，仲被人誤導跌落屎坑，而啲阿諛奴才還喜稱好味添！

若香港人再信「沉默是必要的」，那便跟着大陸平民一齊等死吧！此話何來？

只不過是一星期前的事，如今，全港無人再提了！其實，對香港人而言，那是十分十分嚴重的事，就係香港廢柴政府不顧港人死活及不理港人之反對聲音，突然提出《食物內除害劑殘餘規例》於八月生效。而剔出規管的三種「除害劑」，是但一劑，都足以致癌。點解香港廢柴政府係要強行通過呢？一句到尾，皆同大陸佬的利益有關，那不特止經濟生意往來，還是若果呢啲「有毒性」嘅農作物，香港人唔使食，淨係餵大陸人，咁係咪香港人條命矜貴啲先？咱們同胞條命賤啲先？當大陸人一起醒覺抗命，那就大件事了！

嗱！不出五年，中國大陸內啲平民百姓，包佢哋無個「好人」，我指係身體「好壞」的「好」！不用說，農作物有毒，還有喪心病狂的賤種製造的「黑心食品」：地溝油、假鹽、化學豉油、人造雞蛋……仲未計全球抵制的「基因食物」，喺中國大陸居然高調生產，主要係先解決糧食問題，因照常規生產的，係生產唔切了！但黑心食品，食得多，人都癲也！所以，家陣的中國人個腦有問題，做出超失常的事，確有因由的！

加上，水、泥土和空氣統統污染得不能讓「生物」正常生長，請問，咁嘅地方同地獄有乜分別呢？等死而已！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps