「今日，我國終於可以超英趕美！」肥仔恩指着手上的方形物品，「有咗佢，我哋唔使再怕『老美』制裁、無『哀瘋』用喇！」埋首掘礦的民眾，聽得痛哭流涕，高呼不絕，「領導萬歲！領導萬歲！」

肥仔恩舉起左手，示意民眾暫停歡呼，「大家睇流線型嘅設計，配以粉紅、深藍同白色外觀供大家選用。我國名產唔會再係餓犬，我要世人知道，朝鮮半島唔淨係得《星星》同炸雞，我要締造『朝流』！」

肥仔恩語速不疾不徐，愈講愈有自信，「最重要嘅係，有咗佢大家可以唔使再做礦工，我宣布大家可以轉行！」長久以來，披星戴月、日曬雨淋、日鋤夜掘嘅日子，終於可以成為歷史，「領導，佢究竟係咩？」肥仔恩自負道︰「偉大嘅平壤Touch！」民眾續問︰「咁佢有咩用？」

肥仔恩放下手上平壤Touch，從口袋中取出哀瘋把玩，「無上網、無藍芽，咁大舊磚頭，梗係畀你班未來裝修工人用嚟起屋喇！」

第一手消息請下載on.cc東網iPhone/iPad/Android/Windows Phone Apps