路政署做大嘥鬼，一個位有兩部升降機，資源重疊，浪費公帑，李衞睇唔過眼，捉負責官員出嚟大罵一番。

李衞︰明知嗰度有人起升降機，你哋仲要起？

官員︰以防萬一啫，一部壞咗，仲有另一部可以用。

李衞︰仲狡辯？！做好維修就可以避免啦，依家四十七秒路程就有兩部升降機，仲唔係嘥錢？

官員︰唔係，點會嘥錢？

李衞︰呵，死唔認錯，面皮厚到呢！

官員︰你有無聽過一寸光陰一寸金？

李衞︰有，咁又如何？

官員︰咁咪啱囉，市民慳到四十七秒，仲唔係可以有好多金？

李衞︰@##$$%%^&

第一手消息請下載on.cc東網iPhone/iPad/Android/Windows Phone Apps