東網捷報頻傳 加碼回饋讀者

即係咁，東網推出短短四個幾月，瀏覽量屢創新高，不斷締造香港傳媒業歷史，淨係網站每周嘅瀏覽量已經超過一億一千萬頁次，而且仲不斷刷新紀錄，成績斐然，傲視同儕。為咗答謝海內外讀者熱烈捧場，東網再推出震撼優惠，《東方日報電子報》全球免費開放延長一個月至四月三十日，你話係咪好消息吖！

正所謂，有麝自然香。自從三月一日起全球免費開放《東方日報電子報》之後，反應熱烈嘅程度超乎想像，世界各地華人爭相捧場，瀏覽量不斷創新高。嗱，過去一個星期，東網各電子刊物嘅總瀏覽量超過三千萬頁次，唔到你唔服。其中《東方日報電子報》網站及手機嘅總瀏覽頁次，更加比上月大幅增加三倍，而之前率先全球免費開放嘅《太陽報電子報》，瀏覽量同樣節節上升。最值得一提嘅係，當中海外讀者人數升幅更加驚人，好多華人直情將東網電子報當成每日必讀刊物o架。

用網絡奇迹形容東網，一啲都唔誇張。東網為世界各地讀者提供最貼身、最快捷、最詳盡嘅新聞資訊同評論分析，已經成為獲取第一手網絡資訊嘅首選，海內外讀者好評如潮，好多人話能夠喺網上原汁原味閱讀成份報紙，加深對香港新聞嘅了解。正如有位旅居法國嘅梁小姐話齋，東網令海外華人更加貼近香港，拉近世界距離，好似最近多單大新聞包括全國兩會、馬航失蹤等，唔使打開報紙，上網就一覽無遺，「真係好正」；美國舊金山駐華辦公室總監趙翠薇同樣對東網讚不絕口，佢話因為工作關係，需要了解內地嘅投資傾向、政治走勢及經濟文化發展，電子報為佢帶來極大方便。

講到正，當然唔止咁多喇。東網不斷擴充版圖，讀者人數大幅上升，而且遍及世界各地，廣告客戶都有着數o架。有廣告公司高層大讚東網電子刊物方便、快捷，大大增加廣告效益；亦有廣告公司負責人支持全球免費開放電子報，「多咗人瀏覽，自然多咗人睇廣告啦」。嗱，佢哋揀咗喇，你又揀咗未吖？

東網精神，不斷提升。由於瀏覽人數屢創新高，東網海外頻寬流量已接近上限，為確保瀏覽暢順，照顧更多讀者，東網已投入資源購買更多頻寬，網站流量提升咗五成。所以話，上東網唔止知天下，而且多着數，想跟上潮流，快啲上東網喇！