地下火車事故頻生，有傳話會考慮按重大事故扣減高層人員薪酬。呢日運房局局長炳炳就同高層人員講起呢個話題。

炳炳︰為咗顯示承擔，減薪都應該嘅。

高層︰關我咩事？前線員工負責檢查，責任點都大啲，又唔扣佢哋糧！

炳炳︰你作為高層，點可以咁無承擔，話晒買車入貨，你都有份決定。

高層︰好，咁有大食大，你作為負責運輸嘅官員，出咗事你都要扣糧！

炳炳︰咁……即係難為我啫。

高層︰好啦，一人讓一步，我肯扣糧。

炳炳︰咁就好喇！

高層︰不過如果出咗事，我開工時間長咗，又要出嚟道歉，對公司貢獻咁大，花紅方面，都應該大份啲啦！

炳炳︰!@#$$%%%^

第一手消息請下載on.cc東網iPhone/iPad/Android/Windows Phone Apps