前晚喺一個晚宴上見到皮草太子爺王大業，佢透露啱啱忙完皮草騷，所以可以輕鬆一下，但下個月又要去越南公幹嘞！睇嚟佢真係好忙，咁感情生活點樣呀？佢開玩笑咁話：「我有時間結婚，但冇時間拍拖，會努力。」再追問爸爸媽媽有冇安排佢相睇？佢就話：「屋企人冇催我。」

王大業話自己忙到冇時間拍拖。

同場仲見到化妝學校老闆歐陽妙芝、化妝師好友Gary同形象指導郭慶彬，妙芝話老公稍後會接佢，兩人隨即趕往機場。咁趕去邊？佢興奮地話：「我去依家最熱門嘅地方韓國旅行，會去番《來自星星的你》拍攝場景，已經搵咗司機帶路，一定會食炸雞、飲啤酒。」撇低兩個囝囝？佢話：「係呀！同老公拍拖去三日，我同囝囝講媽咪要去做少少嘢。」佢話依家細仔已經讀小學，可以比較放心。

第一手消息請下載on.cc東網iPhone/iPad/Android/Windows Phone Apps