利子厚話去峇里除咗游水之外，行山都係唔錯嘅選擇。
唔少人都鍾意趁放假外遊或運動紓緩工作壓力，好似利希慎家族後人、香港賽馬會大董Michael利子厚，就好鍾意做運動同旅行，原來佢除咗對滑雪有研究外，仲透露近日迷上咗行山，感受大自然嘅鳥語花香，上個月佢就去咗印尼峇里旅行，但並唔係去享受陽光與海灘，反而係深入峇里中部去行山。
Michael話雖然當地嘅沙灘好舒服又吸引，但除咗游水，峇里中部都有好多翠綠嘅山峰、森林同峽谷，好值得一去，好似中部其中一座山咁，就有一個鳥類嘅動物園，入到去四周都會有唔同種類嘅雀鳥喺隔籬，只要一伸出手臂，啲雀仔就會自動飛埋嚟。呢種可以咁近距離親近大自然嘅機會喺香港並唔多，而且當地周圍景色都好自然，所以感覺好舒服，全個人都放鬆晒，仲迷上咗行山添！
第一手消息請下載on.cc東網
