中華武術博大精深，各門各派林立，代有傳人。詠春都後繼有人，中華國術（香港）總會副會長周國豐拜師詠春派名師江志強門下，日前喺酒店舉行「拜師宴」，周國豐跟足傳統跪拜師傅。一眾師兄弟送上特別賀禮，舞起雙刀、八卦棍，大耍詠春、螳螂拳，齊心宏揚國術。博愛醫院早前舉行籌款重頭戲《博愛歡樂傳萬家》，一眾董事局成員攜家帶眷去支持，唔少人仲落場玩遊戲，眼見善款滾滾來，暫時放下形象又何妨？

博愛歡樂傳萬家
暫別
博愛醫院總理葉思貝（右）預告下屆將暫別博愛董事局，左為總理趙家樂。

雀友
博愛醫院副主席陳李妮（左起）、譚姜美珠及總理歐倩美十分老友，經常相約打麻雀耍樂，右為總理簡陳擷霞。

支持
博愛醫院永遠顧問黃帆風（左二）心繫博愛，當晚同佢太太（左）、囡囡Maria（右）、女婿Sunny（右二）及孫仔Sebby去撐場。

聚首
博愛醫院副主席吳錦青（中）同好友梁浩然律師夫婦現身支持博愛籌款。

拜師宴
毅力
周國豐為表演打木人樁苦練四個月，弄致雙臂瘀痕纍纍仍咬緊牙關，夠晒毅力。

拜師
周國豐（右）拜入詠春派名師江志強（左二）門下。

慰問
早前不慎扭傷腰嘅中華國術（香港）總會會長王嘉恩（左）帶傷捧場，國際青年商會香港總會會長關俊華連忙上前問候一番。

做Gym
電影製作人黃漪鈞笑言學耍太極太悶，寧願走入健身室勤做器械鍛煉。

第一手消息請下載on.cc東網iPhone/iPad/Android/Windows Phone Apps