SUN搞作:sun官場現形記:反其道而行
當局打算以一千五百蚊定額罰款,遏止店舖阻街的情況。不過李衞行街,仍見到商戶佔街而用,於是就上前問吓。
李衞︰你咁做,唔怕食牛肉乾咩?
商戶︰牛肉乾咁正,啖啖鮮味,爭住食都嚟唔切喇!
李衞︰我講緊罰錢嗰啲。
商戶︰哦,都唔怕,除笨有精。
李衞︰吓,罰錢都有着數?
商戶︰直頭抵到爛,唔咁做就真係對唔住自己!
李衞︰有無咁誇張?
商戶︰你諗吓,今時今日舖租咁貴,千五蚊罰款就可以用多半條街,咁平嘅租金仲唔係抵到爛咩?
李衞︰@@#$$$%%%