政壇：搞搞政：見京官要求多李卓人排除異己？

阿人話，除非京官單獨同泛民政黨會面，而且建制派唔可以在場，否則去嚟都無用。佢咁講真係無乜道理，話說去年有「喬老爺」之稱嘅人大法律工作委員會主任委員喬曉陽代表中央南下，同建制派議員會面，事後阿人即時猛烈批評中央向建制派單方面對話，架空其他立法會議員。今次佢卻要求泛民要單獨同京官見面，今天的我，打倒昨日的我，而且咁樣算唔算排除異己呢？

不過，議員訪滬嘅口水好多，阿人講歪理，立法會主席曾鈺成尋日都亂咁搞GAG，有記者問點解呢個政改敏感時刻，立法會議員係去上海訪問，而唔係去北京呢？曾鈺成就話，自己啱啱從北京返香港，親身體驗到當地有嚴重霧霾問題，佢就算返到香港都仲有兩聲咳，所以唔建議班議員飛去北京同京官商討政改，嘩，咁樣博大霧嘅回應，係佢先諗得到。