政壇：袁彌明女大18變似整容
人民力量主席袁彌明（Erica）係政界靚女，尋日網上流傳一段短片，係Erica小學四年級時接受兒童節目《430穿梭機》嘅訪問，片中佢畀人加咗有關佢眼皮嘅設計字樣添。呢次訪問主要係問Erica對寄宿學校嘅感受。片中所見，Erica當時眼唔大、皮膚黑，同依家嘅白皙膚色、眼仔大大兼雙眼皮簡直判若兩人。
袁彌明細個接受訪問的片段同依家嘅樣差別好大。（互聯網圖片）
（資料圖片）
咁神奇，唔通Erica整過容？佢解釋，原本佢兩隻眼都係單眼皮，所以一直都希望眼皮「單變雙」，點知去到四年班時，左眼突然變咗雙眼皮，到六年班仲連右眼都變埋雙眼皮添，強調自己冇整過容喎。據講，的確有人嘅眼皮自動由「單變雙」嘅。Erica現時正參選南區區議會海怡西補選，其餘參選人包括新民黨陳家珮、民主黨單仲偕。
