SUN搞作:SUN官場現形記:消防Xiqu
西九要起戲曲中心,但係尖沙咀消防局到依家都唔知搬去邊,李衞真係佩服官大人嘅深謀遠慮同氣定神閒。不過個天總算對香港人不薄,終於有個「熱心盡責」嘅官員,走嚟搵李衞訴苦……
錯鑫:死啦!死啦!你要救吓我呀!
李衞:吓!你就係傳說中「熱心盡責」嘅官員?!
錯鑫:唉,傳說嚟啫!我嘅「私處」就快畀人拆喇,想唔熱心都難!
李衞:唔係啩?西九嘅「私處」(Xiqu)中心唔係起緊咩?
錯鑫:我係話我尖沙咀嗰間燒房局呀!死啦,唔記得擺咗啲咩喺嗰間私家房添!燒烤爐?煙仔?二奶?唉,搬嗰陣容乜易又會被記者睇到……
李衞:計我話,你唔使咁愁住!
錯鑫:點解呢?
李衞:家陣搬走個火牛房先,咁咪借啲意唔使救火,叫啲手足幫手搬!
錯鑫:係醒喎你!