SUN搞作:SUN官場現形記:骨肉分離無天理
醫管局行政總裁賢賢歎緊下午茶嘅時候,下屬急急腳走入嚟,報告話伊院又有禁錮又有綁人,嚇到賢賢成口茶吐晒落下屬身上。
賢賢︰咁大鑊,唔得要即刻做嘢!
下屬︰係呀老細,要快啲搞掂佢。
(賢賢拎起電話撥出。)
賢賢︰喂,係咪999報案中心?
下屬︰老細你做咩?
賢賢︰又係你話禁錮同綁人,面對綁匪唔報警,唔通要我哋同佢死過咩?
下屬︰同伊院死過?
賢賢︰吓,伊院夠膽做啲咁嘅嘢?
下屬︰其實係伊院分開唔同樓層病房隔離病人一家,畀病人控訴啫!
賢賢︰哦,咁小事咪煩我!
下屬︰老細,咁都叫小事?
賢賢︰你都識講「隔籬」啦,鄰近左右,係個病人大驚小怪啫!
下屬︰@##$$%%^