個人遊旅客逼爆香港，仲引發咗連串「驅蝗」等激進行動，搞到民怨沸騰，但商務及經濟發展局局長蘇錦樑一味企硬，死撐個人遊不設上限，仲話會發掘多啲景點分流旅客，結果都係得個噏字。點知中央就下令國務院港澳辦公室就香港旅客承受力作全面調查，等於摑咗蘇錦樑一巴。如果蘇錦樑再唔做番啲實際嘢，下次就可能引發「驅樑」行動。
