少膽虫返到公司，一開電腦就嚇到成個彈起，「點解？點解我部電腦會播『步兵』片？」少膽虫本能地望住電腦嘅裸女，一邊思索原因，「唔通，壹全霉被黑客入侵？」

少膽虫二話不說，即刻走入淫賤黎間房，「腦細，今次大鑊喇！」只見淫賤黎眼甘甘望實螢幕，單手用滑鼠，另一隻手就喺枱底下面摷嚟摷去，「少膽虫，做咩入嚟唔敲門，見唔到我做緊正經嘢咩？」跟手就由枱底下面拎支汽水出嚟飲。「腦細，唔好講咁多，快啲收聲先！」少膽虫慌慌張張。

「收聲？你叫我收聲？好哋哋做咩要收聲？」淫賤黎似乎仲傻吓傻吓。「殺到上門仲唔收聲，腦細，風花雪月都唔係揀呢個時候！」少膽虫拚死直諫。淫賤黎一臉唔耐煩，「《爛果》作新聞一向勇字行頭，你叫我收我偏唔收！」腦細行先死先呀！少膽虫為咗份工，惟有直斥淫賤黎不是，「腦細，我哋畀黑客入侵，全部電腦都播緊『步兵』片，你唔諗計解決，仲開大個喇叭喺度睇，傻的嗎？」

一個橫邊槌直中少膽虫左臉，「你就傻！電腦播緊嘅全部都係動呻吟片花，特登喺全公司電腦播，用嚟收集意見o架！」

第一手消息請下載on.cc東網iPhone/iPad/Android/Windows Phone Apps