SUN搞作：SUN官場現形記：無良吸血鬼
今時今日乜都貴，小商戶已經愈嚟愈難生存，但「領燴」仍逼街市檔主租用八達通機，是可忍，孰不可忍，一班檔主就向領燴高層討公道。
檔主︰我哋根本就唔識用，做咩逼我哋裝啫？
高層︰唔識咪學囉，好簡單。
檔主︰我哋有啲已經七老八十，你即係難為我哋啫。
高層︰活到老學到老，唔識咪學啲後生仔咁，溫書溫通頂。
檔主︰算喇，你裝機都係想我哋方便啲，做多啲生意，但依家根本就唔係！
高層︰你哋係咪誤會咗。
檔主︰有咩誤會？
高層︰叫你哋租機，係方便本公司吸金，你哋係生係死，與本公司毫無關係！
