SUN驚奇：明年區選怪招料陸續有來
區議員推出雞毛蒜皮服務，令身處局外的市民大惑不解。前任區議員分析，下年為區議會選舉年，不少有意競選或爭取連任的區議員已展開選舉工作，各出奇謀爭取選票，做好地區滲透工作，相信愈近區選，會有更多新奇宣傳出現。
取代平價旅行團
曾任多年區議員的前南區區議員石國強表示，新一屆區議會選舉下年舉行，區議員會於選舉前兩年開始籌備選舉工程，而區議會選舉跟立法會選舉不同，區議員跟選民關係更貼身，故此平日要跟街坊打好關係，更可藉服務街坊獲取有利選情資料，「有時上街坊屋企幫手通渠，資料話嗰家人有兩個選民，點知呢戶住咗八個人，你之後幫佢哋登記，又可以多六票。」而選情告急時，過往幫助街坊時所收集的聯絡亦大派用場，區議員都可即刻打電話，「街坊記得你幫過手，都會投你一票。」
另一位不願透露身份的前任區議員稱，過去部分區議員依賴平價旅行團吸票，現時改為推出新服務更直接接觸選民。他稱，因低價旅行團籌備需時，膳食、景點及交通等旅程內容由旅行社決定，變數多，未必達預期效果，「若果行程個飯餸唔好，街坊玩得唔開心，會影響埋區議員。」
