內地客問港人：「點解要驅蝗？」港人娓娓道來：「蝗蟲食晒港人嘅成果，梗係要驅逐！睇吓你班支那人，唔單止禍亂香港，仲將邪惡輸出全世界，冇一個地方歡迎你哋！」內地客不服氣：「我哋人係多啲，亂係亂啲，但係一疊疊鈔票消費，都算有貢獻吖！」港人訕笑：「你班土豪蝗蟲，咪失禮我哋香港人！夠膽死走去華爾街騎銅牛，係你哋先咁唔要面！」內地客欲語無言，只想起三數十年前遙看香江起飛時，香港人最喜歡一家大細騎銀行銅獅留影。

港人問外國人：「點解要驅黃？」外國人娓娓道來：「黃種人侵吞全世界嘅成果，梗係要驅逐！睇吓你班黃種人，唔單止禍亂亞洲，仲將邪惡輸出全世界，冇一個地方歡迎你哋！」港人不服氣：「我哋人係多啲，亂係亂啲，但係上世紀一疊疊鈔票投資移民，都算有貢獻吖！」外國人訕笑：「你班人好食懶飛，咪失禮真正嘅外國公民！夠膽死攤大手板等救濟，係你哋先咁唔要面！」港人欲語無言，只想起三數十年前的歐美澳紐，最喜歡撬香港人才。

第一手消息請下載on.cc東網iPhone/iPad/Android/Windows Phone Apps