官員落區巡視悲情城市，點知甫到埗，就畀該區市民鬧到口啞啞。無計喇，連買支牙膏都貴過隔籬區成倍，你叫人點樣唔火滾！

市民︰你班官點做嘢？你叫人點住？

官員︰其實唔難，將你一個月嘅人工分成五份，生活、交朋友、學習、旅遊同投資，咩都做到。

市民︰仲解釋！唔係你哋懶做嘢，縱容壟斷，我哋使捱貴貨？

官員︰我哋邊度有懶，相反仲好勤力。

市民︰勤力？勤力偷懶就真！

官員︰妖，講呢啲，香港係自由社會，我哋努力奉行不干預市場政策啫！

（一班人手持一袋二袋，突然湧至。）

官員︰你睇，你又講到物價有幾高，咪一樣有好多人掃貨。

市民︰你睇清楚，佢哋全部係商人，知呢度賣嘢價錢好，個個嚟擺地攤咋！

官員︰##$$%%^^^

第一手消息請下載on.cc東網iPhone/iPad/Android/Windows Phone Apps