東網電視
更多新聞短片香港鑽石總會日前舉行周年晚宴，一眾業界人士講起今年最大挑戰，大家不約而同都話係人造鑽石嘅盛行。人造鑽石由化學氣相沉積（Chemical Vapor Deposition）合成，該會創會會長及主席馬墉宜話，人造鑽石被充當天然鑽石流入市場嘅個案日增，由於消費者認識不足，可能因此產生糾紛，所以總會將推動「天然鑽石品質保證標誌」計劃，嚴謹認證及教育消費者，佢強調香港憑誠信同獨特設計成為全球重要鑽石貿易地區，所以要令大眾明白人造與天然鑽石嘅分別，維護業界良好商譽。
黃鳳嫺（中）抽空參加晚宴，與胡良利集團主席胡劍江（右）及鑽石總會總經理陳張玉珍（左）相見歡。
消費者委員會總幹事黃鳳嫺呢晚都有到場，消委會成日處理消費者投訴，珠寶類又點呢？佢話珠寶業被投訴唔算嚴重，事關業界自律及認證做得好好。
第一手消息請下載on.cc東網
