【本報訊】薄扶林消防局「鬧鬼」事件，揭露「怕鬼」消防員對擅闖者視而不見的大笑話，有網民指看罷本報報道「笑咗出嚟」，揶揄「心中有鬼就成日見鬼」，但亦有人「幫口」稱消防員亦不過是人，「你試吓屋企睡房多咗件阿伯，唔驚嚇就假」，又笑指擅闖消防局的長者「真係幾似古代嗰啲鬼」，「消防都有怕嘅時候」；另有網民則認為事件凸顯了消防局保安鬆懈的問題。
七旬拾荒老翁夜半溜入薄扶林消防局隊員休息室，令多名膽小消防員以為「撞鬼」扮睇唔到，變相容讓「外人」在局內逗留逾一句鐘。有網民指事件「好鬼搞笑」，揶揄消防員扮「我睇佢唔到，我睇佢唔到……」；有人則認為「其實只要細心啲同堅定啲，都清楚一切只是笑話」。
至於老翁的怪異行徑亦引起熱議，有網民笑指「又真係幾驚，無啦啦有個阿伯入咗嚟」、「最攪笑係佢做咩喺人床尾」，又指「消防員都有怕嘅時候」；另有人認為「重點唔係消防員怕鬼，而係消防分局的保安問題」。
有前線消防人員透露，「鬧鬼」事件早已在人員間口耳相傳，部分人認為事緣消防局保安不足，冀消防局加裝閉路電視，但另一批消防人員則指部門早有被指監控前線人員的「前科」，加裝閉路電視可免則免，部分同袍則當成笑話一則看待。就有人闖入消防局事件，消防處發言人表示，該處轄下消防局及救護站已加強保安措施，當值人員會加強巡查，特別留意在車房電閘開關前後的保安事宜。
第一手消息請下載on.cc東網
