周一鑊口痕想食新鮮雞，於是走落街市，點知一開口就對雞檔老闆惡言相向，結果梗係畀人鬧番轉頭。

雞　販︰好靚嘅新鮮雞，埋嚟睇埋嚟揀！

周一鑊︰咁老？母雞嗰樣似生埋蛋咁滯！

雞　販︰你就老！母雞，咁先好味，你知喇廣東人……

周一鑊︰夠喇！禁雞禁咗咁耐，我要食嫩口嘅，我要食內地雞！（雞販一手指向垃圾桶。）

周一鑊︰做咩？垃圾桶有免費內地雞拎咩？

雞　販︰仲好講！如果你在位時做好分流，依家都唔會無內地雞賣！你唔做，我幫你做，你舊垃圾入垃圾桶就啱，咪阻住其他街坊幫襯！

周一鑊︰@##$$%%%^

第一手消息請下載on.cc東網iPhone/iPad/Android/Windows Phone Apps