門口舖只得數平方呎，在不佔用公眾地方下，能否做到生意？創業專家建議，門口舖缺乏空間，不適合需要囤積貨物的零售業，不過可把握門向大街的人流量優勢，用作產品推廣等行業，但分租前，謹記要留意租約內容，及勿霸佔公眾地方。

周騫認為門口檔適合產品推銷行業。

「門口舖人流高，但擺唔到貨，可以用嚟做推廣信用卡、健身會籍等業務。」創富者市場總監周騫認為，門口舖人流較佳，適合用作推廣業務，但門口舖若吸引太多客人，可能影響主店的客戶出入。他指：「推廣產品，容易吸引大批客戶聚集，結果妹仔大過主人婆，導致主店冇人幫襯，所以出租者分租前要留意呢點。」倘門口舖租客欲經營零售生意，應選擇體積細小的貨物。他解釋：「小飾物霸佔太多位置，可以賣吓手機殼，依家有機器即時喺殼上印圖案，咁樣一部機就可以做生意，或者擺幾部扭蛋機，善用空間。」惟他提醒：「分租前要了解主店商戶係咪業主，如果佢只係租客，咁原業主未必會容許分租，咁就冇租約保障。」

第一手消息請下載on.cc東網iPhone/iPad/Android/Windows Phone Apps