「門口舖」面積狹窄，以不佔用行人路位置計，每月呎租動輒逾千元，與旺區一線店舖不相伯仲，此舉是否反映商戶開天索價？地產業界人士解釋，店面面向大街，最接近人流，能吸引顧客目光，屬於店舖中黃金位置。

美聯物業董事總經理黃子華表示，單以呎價計算，元朗區商舖一般呎租約四百元，大角咀商舖呎租更可低至數十元，數平方呎面積索價數千元的門口舖比同區店舖，呎租上的確貴上一截。

不過，他同時亦指出：「店面係用嚟吸引顧客，位置自然比內部空間更加值錢，所以每月數千元呎租都係合理嘅，如果係旺區好似銅鑼灣咁樣，門口舖去到幾萬蚊租都唔出奇。」

雖然門口舖有價有市，但黃子華指出，大部分行業都拒絕將門前黃金位置出租。

他說：「唔重視門面嘅行業，先肯出租門口位，幫補租金，好似金舖咁，一定唔會肯出租門口位畀人啦，反而茶餐廳呢類行業，最緊要用內部空間做生意，咁就有可能出租個門口位。」

第一手消息請下載on.cc東網iPhone/iPad/Android/Windows Phone Apps