城中鏡：蔣麗芸斥郵輪船長講大話
過年期間去越南下龍灣嘅郵輪團未能靠岸，釀成幾百名團友「佔領」郵輪事件，當時亦在船上嘅立法會議員蔣麗芸（Ann）更因為同幾百人死守喺船上抗爭，被指為「旅霸」，尋日旅遊業議會收到越南駐港總領事館回覆，證實下龍灣當日真係發生沉船意外，但原來航道只係封閉咗一個鐘頭就解封，事後仲有三艘大船停泊靠岸。
蔣麗芸不滿當日郵輪船長講大話。（資料圖片）
阿Ann一聽結果，即刻澄清話，事實證明當日艘郵輪嘅船長講大話。
稱講道理 否認旅霸
阿Ann話，明明等一陣就可以泊岸，但當日嘅船長偏偏要將船駛返香港，質疑船公司係咪想蒙混過關。
阿Ann強調自己唔係旅霸，只係講道理啫。不過話時話，下次阿Ann記得唔好再「佔領」郵輪喇，既然公義、道理在佢嗰邊，咪落船繼續從民事追討囉。
