淫賤黎煞有介事叫少膽虫入房，喺房內將少膽虫由頭到腳打量一番，隻豬手輕輕撫托少膽虫下巴，喃喃自語「呢度唔得、唔得」，雙手再揉搓少膽虫胸部，搖搖頭嘆道：「呢度唔夠實、都唔得。」雙眼從未離開過少膽虫的身體，突然淫賤黎指一指件外套，「除咗佢！」少膽虫收到腦細嘅命令，惟有照做。

點知淫賤黎意猶未盡，繼續叫少膽虫「除」、「再除」、「再除除」，少膽虫不敢抗命，身上嘅衣物脫完又脫，除剩條心心圖案短褲。

受盡煎熬嘅少膽虫忍無可忍咁問：「腦細，你想小小嘅虫點樣呀？」「再除就可以……」「唔得！少膽虫唔賣肉o架！」淫賤黎聽罷愕然：「賣肉？邊個要你賣肉？」「腦細，你又摸又搓又要人除，唔係叫我賣肉係咩？」淫賤黎笑咗笑話：「睇吓你整容整邊度咋嘛……」

少膽虫聽到呢個答案立即放下心頭大石，「整容咋，整邊好呀？」淫賤黎苦思，然後吐出：「依家整容潮殺到港，個個怪獸家長話要幫囝囝囡囡整容隆胸，虫你呀，個胸都係隆大啲好，啱我口味！」

第一手消息請下載on.cc東網iPhone/iPad/Android/Windows Phone Apps