長策會報告一出，就話要掃走80後公屋排隊戶，80後青年聽完唔氣憤就假，一於搵運房局局長良良講道理。
80後青年：無啦啦掃走我哋80後，唔畀輪公屋，好唔公平！
良良：鬼咩，公屋輪候冊爆瀉，唯一方法就係減去你哋，先騰空到公屋出嚟造就更多人士上樓，你哋好偉大！
80後青年：偉大？咁我幾時先上到樓？
良良：等吓啦，實有機會！
80後青年：等？排隊上樓要等三年，依家排都冇得排！
良良：有！你可以揀排一般家庭輪候戶，可能快啲！
80後青年：我人工奀、女朋友又冇，講結婚上樓？玩呀？
良良：其實我哋好窩心，掃走你哋80後，係為咗等你哋快啲結婚組織家庭，順便推高結婚數字、推高生育數字，到時排一般家庭輪候隊，三年實上到樓！
80後青年：咁即係三年三年又三年啦！
（80後青年拎出掃把，起勢掃打良良。）
良良：哎呀，做乜掃我……
80後青年：亂噏廿四，掃走你，咁鍾意掃吖嘛！
第一手消息請下載on.cc東網李衞
