SUN驚奇：家長心理投射滿足自己

「好多時係家長唔接受子女樣貌，為咗滿足自己，將佢哋當成心理投射對象，帶佢哋去整容。」香港家庭心理治療師協會顧問臨床心理專家羅志華表示，美國史丹福大學在八十年代的自我心理學研究指出，若家長將自己對美的追求強加於子女身上，子女會憎恨自己及父母，出現反常行為，嚴重者更會自殘身體。

羅又指出，兒童心智尚未成熟，有機會受到朋輩壓力、傳媒影響，要求整容。「佢哋見到雜誌，電視劇嘅明星整容後變靚，潛意識會跟從。」

事實上，南韓整容風氣盛行，當地很多家長將美容手術當作成人禮物或大學入學禮送給子女。而當地雜誌、廣告及電視劇的內容，也是鼓勵整容，令青少年對自己外表感到不滿時，便會從容貌着手。