SUN驚奇：怪獸家長要14歲女隆胸
內地有家長帶年僅八歲女兒接受雙眼皮等整容手術，望女兒「變靚啲」；這股兒童整容風氣已傳到本港，多名整形外科專科醫生證實，近年有不少家長要求為十多歲的女兒「大翻身」，如隆鼻及隆胸等。本報記者日前到深圳視察發現，多間美容院都有提供相關服務，有職員指曾有多名本港家長帶子女來整容，費用低至數千元人民幣。整形外科專科醫生警告，兒童過早接受非必要整容手術會影響發育及心智發展。
近年有家長帶年幼子女整容，惟非必要的整容手術會影響其發育及心智發展。（設計圖片）
深圳一美容院負責人
我哋可以幫你預約醫院，亦可以喺呢度做。
深圳一美容院職員
呢度做嘅係微創雙眼皮手術，傷口三日可復原，之前都有好多香港家長帶子女嚟做。
歐鑫濤指過早接受整容手術，有機會影響正常發育。（資料圖片）
藝人反對
姚嘉妮（育有四歲半女兒及歲半兒子）：絕對反對，家長應該教小朋友唔好以貌取人，而且小朋友仲發緊育，所謂女大十八變，點知佢哋大個咗唔靚呢？
林盛斌Bob（育有五歲及兩歲女兒）：我絕對唔會咁做，就算幾唔靚都好，仔女喺父母心目中都係最靚。
何佩瑜Jeana（曾接受雙眼皮手術）：如果將來有子女，佢哋又想整容，都會等佢哋到十八歲後自己決定。
「我個女今年十二歲，但佢嘅雙眼皮愈嚟愈唔明顯，擔心佢大個唔夠靚，所以準備帶佢見整容醫生，整吓雙眼皮。」育有一名女兒的阿恩，受南韓整容風氣影響，數年前曾接受雙眼皮及隆鼻手術，近日也希望女兒整容：「女仔個樣唔夠靚，搵工同識男朋友都會好蝕底。」本港數名不願透露姓名的整形外科專科醫生都證實，近年家長查詢子女整容的個案確實有上升趨勢，平均每個月都收到四、五個電話查詢，較以往為多。
貪平去深圳更牙煙
「曾經有家長帶埋子女嚟診所，要求即時評估及安排做手術。」其中一名整形外科專科醫生表示，曾有母親認為十二歲的女兒鼻樑太扁平不夠美，要求為女兒做隆鼻手術；也有家長認為十四歲的女兒已達發育期，但胸部仍未「長肉」，擔心影響自信，要求隆胸。
惟在本港做整容手術，費用動輒數萬元，因此有港人父母帶子女到深圳整容。深圳東門一帶有多間大小不同的美容中心，記者佯裝欲為十多歲的女兒找便宜的美容院做雙眼皮手術。其中一間的職員稱可以為小朋友做手術，價錢約三千元人民幣，「呢度做嘅係微創雙眼皮手術，細到八歲做都冇問題，傷口三日可復原，之前都有好多香港家長帶子女嚟做，保證安全。」
另一間美容院負責人亦指出，「我哋可以幫你預約醫院，亦可以喺呢度做。」但記者現場所見，美容中心沒有消毒用具，所謂的「手術室」，僅是店內裏面一張床，衞生情況令人質疑。
肌肉骨骼仍會生長
十多歲的女童，是否適合接受整形手術呢？本港整形外科專科醫生歐鑫濤指出，由於兒童仍處於發育階段，身體肌肉及骨骼仍然會不停生長。過早接受隆鼻、割雙眼皮，甚至隆胸手術，有機會影響正常發育。他坦言曾有家長提出兒童整容的要求，但他認為女童身心未有足夠準備，拒絕進行。
另一名整形外科專科醫生陳祖鈞補充，由於「兒童整容」需家長簽同意書，做手術可能非兒童個人意願，他勸喻家長不要純為美容為子女安排整容。
衞生署發言人指出，據《醫生註冊條例》，未滿十八歲的人士，除非有能力理解治療的效果及風險，並作出接受治療的決定，否則醫生須得到其父母或監護人同意，方可提供治療。
